A diversidade sexual: abre a túa mente!

Retomando o tema que nos presentaba Bícame profe, cuxo protagonista é homosexual, queremos falarvos agora un pouco máis da diversidade sexual.

Moitas veces pode resultar polémico falar das diferentes orientacións sexuais que existen mais a verdade é que todas elas deberían ser coñecidas e, por suposto, respectadas.

Aquí vos deixamos 10 maneiras de vivir a sexualidade:

1.    Homosexualidade: atracción sexual polas persoas do mesmo sexo. 

2.    Bisexualidade: atracción sexual por persoas de ambos sexos.

3. Pansexualidade: atracción sexual cara algunhas persoas indenpendetemente do seu sexo biolóxico ou identidade de xénero.

4.   Demisexualidade: aparición de atracción sexual só nalgúns casos nos que con anteriridade se estableceu un forte vínculo emocional ou íntimo.

5.    Heterosexualidade: atracción sexual por persoas do sexo oposto.

6.  Lithsexualidade: atracción sexual por outras persoas mais sen sentir a necesidade de seren correspondid@s.

7.    Autosexualidade: atracción que se experimenta cara un mesmo

8.    Antrosexualidade: persoas que que experimentan a súa sexualidade mais sen necesitar clasificar a súa tendencia sexual.

9.    Polisexualidade: atracción cara grupos de persoas con identidades de xénero concretas.

10. Asexualidade: falta plena de atracción sexual.

 

 

Agora, se queredes, podedes comentarnos se coñeciades estas tendencias ou non. 

Se estades interesados nestas cuestións gustaríanos recomendarvos a obra Fóra do normal de María Reimóndez onde André, fan incondicional coma vós, das historias de cómics e a banda deseñada, vive en conflito co seu corpo e súa identidade ata que coñece a Mucha e xuntos se meten nunha Patrulla Trans. André, por fin dentro dunha rede de afectos e apoiado pola lectura de aventuras de heroes do cómic clásico, asumirá que para a superación dos conflitos, a auténtica fortuna reside en rodearse de persoas que non teñan medo a ser quen son.