Coñécete a ti mesm@

O manga é un xénero que seguro coñecedes ben e que, pouco a pouco, tamén podemos atopar en lingua galega.  O primeiro título traducido á nosa lingua é  Bícame, profe (Kusatta Kyoush no Houteishiki) ,  unha obra da xaponesa Kazuma Kodaka. Pertence ao xénero shonen-ai (historias amorosas entre personaxes masculinas) e conta as vivencias de Atsushi Arisawa, un mozo que decide matricularse no instituto Jyogaoka, porque alí traballa como enfermeiro Massami Shibata, o seu amor platónico da infancia. Con todo, cando o atopa descobre que a súa personalidade mudou por completo dende que non o ve. Edicións do Cumio puxo nas librarías esta obra, publicada en tomos en branco e negro, formato de libro de peto e en sentido de lectura oriental. A editorial ofrece algunas páxinas de mostra que se poden ler na súa web a través da seguinte ligazón ( preme aquí ). Este manga baséase no humor, mais tamén destaca a caracterización das personaxes. Ímolo tomar como referencia e ...

A existencia dos dobres é un deses misterios mais suponse que todos temos un dobre nalgures. Non obstante, neste caso, este mito urbano estivo presente en todas as épocas da civilización. Os seus nomes foron diversos - dende Ka , o "dobre do espírito" da cultura exipcia antiga, pasando polos dobres fantasmagóricos chamados Vardøger da mitoloxía nórdica, ata a Etiäinen do folclore finés -, pero o que durou foi a palabra alemá doppelgänger que se quixésemos traducilo, sería algo así como "andante dobre". Apareceu por primeira vez nunha novela romántica alemá de 1796 escrita por Jean Paul, en tres volumes. Como era costume na época, tiña un título dunhas 15 palabras que se resume nunha: "Siebenkäs". Nela, cóntase a historia dun home que casou infelizmente e acode ao seu dobre, quen lle aconsella que falsifique a súa propia morte. Aquí deixamos unha das historias máis coñecidas deste fenómeno: "O estraño caso do doutor Jekyll e Mr. Hyde" para qu...

  O OCÉANO COMO PAIXÓN María de los Ángeles Alvariño naceu en Ferrol no ano 1916. Desde nena amosou un grande interese por todo o que a rodeaba: o mar, os animais, as plantas, a música... Os seus pais puideron atender as súas inquietudes e aos tres anos xa sabía ler, enseguida aprendeu solfexo e gustáballe interpretar pezas ao piano. En Santiago de Compostela cursou o Bacharelato Universitario e despois marchou a Madrid a estudar Ciencias Naturais. Alóxase na famosa Residencia de Señoritas, onde vive nun enriquecedor ambiente cultural, pero os seus estudos vense interrompidos: en 1936 prodúcese o fatídico golpe de Estado franquista e as aulas pechan tras o estourido da Guerra Civil. Volve entón a Ferrol e, afastada das calamidades da guerra, aproveita para aprender idiomas e ir á beira do mar, á praia de Doniños, onde lle gusta pasar tempo estudando a fauna e a flora. Cando remata a guerra, volve a Madrid e finaliza a carreira. O océano é a súa paixón.Talvez pola súa inmensidade de...

Retomando o tema que nos presentaba  Bícame profe , cuxo protagonista é homosexual,  queremos falarvos agora un pouco máis da diversidade sexual. Moitas veces pode resultar polémico falar das diferentes orientacións sexuais que existen mais a verdade é que todas elas deberían ser coñecidas e, por suposto, respectadas. Aquí vos deixamos 10 maneiras de vivir a sexualidade: 1.     Homosexualidade: a tracción sexual polas persoas do mesmo sexo.  2.     Bisexualidade: atracción sexual por persoas de ambos sexos. 3.   Pansexualidade: atracción sexual cara algunhas persoas indenpendetemente do seu sexo biolóxico ou identidade de xénero. 4.     Demisexualidade: aparición de atracción sexual só nalgúns casos nos que con anteriridade se estableceu un forte vínculo emocional ou íntimo. 5.     Heterosexualidade: atracción sexual por persoas do sexo oposto. 6.    Lithsexualidade: atracción sexual por outras per...

A lingua tamén forma parte da nosa identidade e tamén é unha das manifestacións culturais que fundamentan a identidade dun pobo. A oralidade é a manifestación da lingua viva, polo tanto é dinámica e varía, dependendo do uso que se faga dela. Deste xeito, a través da fala, un pobo mostra a súa identidade, posto que rebela a diversidade, os conflitos ou as tendencias presentes na súa sociedade. En Galicia, a existencia de dúas linguas (o galego e o castelán) parece que conforma a existencia de dous pobos diferentes, marcados por este trazo. Por unha banda, o pobo urbano, castelanfalante na súa maioría, e por outra, o pobo rural, onde o galego é a lingua predominante. Nada máis lonxe da realidade! As linguas están aí para que nos acheguemos a elas. A nosa orixe, a lingua que falan os nosos familiares máis achegados, a lingua da nosa realidade, non determina definitivamente a nosa identidade. Nós mesmos debemos ir, pouco a pouco, configurándoa.   Non lembro exactamente o momento en que...

  Sabemos que vos encantan os videoxogos e os gustos e intereses tamén forman parte da nosa identidade e compartilos pode ser unha vantaxe á hora de coñecer mellor a outras persoas. Tendo en conta isto, nesta ocasión queremos falarvos da web  Memoria Pixelada ,  onde atoparedes novas, recomendacións, artigos e análises de diferentes videoxogos. Contan tamén cunha canle de  Youtube  e Twitch onde publican gameplays e emisións ao vivo.  A actividade que vos propoñemos é a seguinte:  Gravade un pequeno vídeo no que nos recomendedes a nós e aos vosos compañeiros videoxogos que vos gusten explicando en que consisten. Tamén podedes comentalo directamente no blog.